Sample Sangla-Tira Agreement

Photo by RODNAE Productions from Pexels

KASULATAN NG SANGLA-TIRA

ALAMIN NG LAHAT SA PAMAMAGITAN NITO:

Ang KASULATANG ito ay pinagkasunduan at isinagawa sa pagitan nina:

 JUAN SANTOS, nasa hustong gulang, may-asawa at nakatira sa No. 17 Acacia Street, Pembo, Makati City na sa kasulatang ito ay tinaguriang NAGSANGLA;

at

PEDRO CRUZ, nasa hustong gulang, may asawa, at nakatira sa No. 20 Acacia Street, Pembo, Makati City na sa kasulatang ito ay tinaguriang PINAGSANGLAAN;

NAGPAPATUNAY

Na ang NAGSANGLA ay humiram sa PINAGSANGLAAN ng halagang DALAWANGDAAN LIBONG PISO (Php200,000.00) na tinanggap at sumakamay ng NAGSANGLA ngayong ika-4 ng Nobyembre 2021 na pinapatunayan ng kanyang lagda dito. Ang nasabing pagkakautang ay babayaran pagkatapos ng isang taon o sa ika-4 ng Nobyembre 2022.

Bilang panagot sa nasabing pagkakautang, isinasangla ng NAGSANGLA ang isang apartment unit na sarili niyang pag-aari na matatagpuan sa No. 11 Acacia Street, Pembo, Makati City. 

Ang nasabing apartment ay tunay na pagmamay-ari ng NAGSANGLA at walang ibang utang o sanlang pinanagutan.

Sakaling mabayaran ng NAGSANGLA ang nasabing pagkakautang sa itinakdang panahon, ang kasulatang ito ay mawawalan ng bisa at saysay. Subalit kung hindi naman niya ito magawang bayaran, ang Kasulatang ito ay iiral at ipapatupad sa kaparaanang itinatakda ng batas.

Maaaring i-renew ang kasulatang ito ng naaayon sa mapagkasunduan ng NAGSANGLA AT PINAGSANGLAAN.

SA KATUNAYAN NG LAHAT, ang magkabilang panig ay lumagda sa kasulatang ito ngayong ika-4 ng Nobyembre 2021 sa Lungsod ng Makati.

JUAN SANTOS                          PEDRO CRUZ

        Nagsangla                             Pinagsanglaan   

MGA SAKSI:

MARIA LUNA                      JUAN TAMAD

        

ACKNOWLEDGMENT

        BEFORE ME, a Notary Public, for and in the City of Makati, this 7th day of November 2021 personally appeared:

Name	Identification Card	Issued on/at
Juan Santos	SSS I.D. No. 123	1-1-21/Makati
Pedro Cruz	SSS I.D. No. 456	1-1-21/Makati
Maria Luna	SSS I.D. No. 789	1-1-21/Makati
Juan Tamad	SSS I.D. No. 101	1-1-21/Makati

all known to me to be the same persons who executed the foregoing instrument and hereby acknowledged to me that the same is their free and voluntary act and deed.
      

               WITNESS MY HAND AND NOTARIAL SEAL.

Doc. No. ____
Page No. ____
Book No. ____
Series of 2021.